БНСУ-д цар тахлын эсрэг арга хэмжээ авах зорилгоор Засгийн газраас мэдээллийн технологи ашиглан тандалт судалгаа хийх, холбоо барих, мөрдөх зэргийг тус улсын иргэд хүлээн зөвшөөрч байна. Учир нь сүүлийн үед нийт иргэдийн дунд явуулсан судалгаагаар өөрийн хувийн нууцыг нийгмийн эрүүл мэндийн төлөө золиослоход бэлэн гэж БНСУ-ын иргэдийн 84 хувь нь хүлээн зөвшөөрсөн байна.
Улс төрийн хандлагын хувьд цар тахал ихээхэн өөрчлөлтийг авчирч байна. Тухайлбал, улс төрийн өндөр ёс зүйг харуулах ёс суртахуунд суурилсан бөгөөд шаталсан Коллективизм (hierarchical collectivism)-ийн үзлийг цар тахлын эсрэг бодлого, стратегитэй уялдуулах нь зүйтэй гэх үзэл санаа гарах болжээ. Өөрөөр хэлбэл олонх нь цөөнхийн төлөө гэсэн хамтын хүчээр асуудалд хандана гэсэн санаа. Нөгөө талаар Швед улс нь олонхын төлөө цөөнхийг зосиослох бодлого бүтэлгүйтсэнийг саяхан хүлээн зөвшөөрөөд байгаа билээ.
Цар тахлын үеийн БНСУ-ын эрх зүйн салбарын шинэчлэл нь гүйцэтгэх засаглалын эрх мэдлийг нэмэгдүүлснээр Засгийн газар өргөн цар хүрээнд ажиллах, хүн амын эсэргүүцлийг хааж, иргэдтэй ойлголцох боломжоор хангаж өгчээ. БНСУ-ын хууль тогтоох байгууллага цар тахлын эсрэг арга хэмжээнд зориулж төсвийн уян хатан менежмент хэрэгжүүлэн 12 хоногийн дотор 10 тэрбум ам.долларын төсөв батласнаар энэ онцгой нөхцөлд бүх зардлыг Засгийн газар болон эрүүл мэндийн даатгалын хөтөлбөрөөс хариуцан ажиллаж байгаа ажээ. Мөн иргэдэд үнэн зөв мэдээлэл өгөх, хол хорио тогтоох нь чухал бөгөөд бүтэц, ёс суртахуун, хууль, төсөв зэргээр цар тахлын эсрэг арга хэмжээ авах бүх нөхцөлийг бүрдүүлжээ.
БНСУ-ын цар тахлын эсрэг авч хэрэгжүүлж буй бодлого, үйл ажилллагааны хэрэгжилттэй холбогдох зарим жишээг дурдвал:
1. Автомашин, метроны буудлуудад явуулын шинжилгээ авах цэгүүдийг олноор байгуулсан;
2. Мэдээллийн технологи, олон нийтийн радио, телевиз ашиглан олон нийтийг үнэн зөв, мэдээллээр тогтмол хангасан;
3. Программ ашиглан гэрийн хорио цээрийн хяналтын системийг сайн боловсруулсан;
4. Эдийн засгийн тогтвортой байдлыг хамгаалах арга хэмжээ хэрэгжүүлсэн;
5. Халдварын тархалтыг мэдээлэх платформ боловсруулах гэх мэт хувийн хэвшлийнхний оруулсан хувь нэмрийг нэмэгдүүлсэн;
6. Зогсонги байдалд орсон салбаруудын захиргааны журмыг хялбарчилсан;
7. Цахим орчинд ажиллах, хурал, зөвлөгөөн хийх зэрэгт тусламж, дэмжлэг, зааварчилгаа үзүүлж, ялангуяа шашны цугларалтуудыг цахим хэлбэрт шилжүүлсэн;
8. Эмнэлгийн хог хаягдлын менежментийг хөгжүүлсэн;
9. Цахим хичээлийг нэмэгдүүлэн боловсронгуй болгосон;
10. Цагдаа, орон нутгийн засаг захиргаа, авлигатай тэмцэх газрын үүргийг нэмэгдүүлсэн;
11. Цар тахлын дараах үеийн Солонгосын шинэ тохиролцоо буюу цахим, дижитал системийг нэвтрүүлэх, экологийн цэвэр эдийн засгийг бүтээх гэх мэт арга хэмжээ авахаар төлөвлөсөн;
12. Олон улсын хөгжлийн хамтын ажиллагаанд итгэлцэл бий болгох хүчин чармайлт гаргаж, англи хэлний TRUST/Transparency, Resilience, Unity, Safety Together/ буюу ИТГЭЛ хэмээх үгийг ашиглан илт тод, уяан хатан, нэгдмэл, хамтдаа аюулгүй байхаар гадаад бодлогоо чиглүүлж байгаа зэргийг дурдаж болохоор байна.
Ном зүй
1. Korea Centers for Disease Control and Prevention. (2020). https://is.cdc.go.kr/upload_comm/syview/doc.html?fn=159373774646700.hwp&rs=/upload_comm/docu/0019/
2. Ministry of Education. (2020). [카드뉴스] 원격수업 교육환경, 이렇게 지원합니다.
https://www.moe.go.kr/boardCnts/view.do?boardID=340&boardSeq=80219&lev=0&searchType=null&statusYN=W&page=2&s=moe&m=020201&opType=N
3. Ministry of Education. (2020). 코로나19 대응을 위한 교육 분야 학사운영 및 지원방안 발표
https://www.moe.go.kr/boardCnts/view.do?boardID=294&boardSeq=79917&lev=0&searchType=null&statusYN=W&page=1&s=moe&m=020402&opType=N
4. Ministry of Education. (2020). Special Website for Online Education. http://english.moe.go.kr/sub/info.do?m=090101&page=090101&num=1&s=english
5. Ministry of Environment. (2020). (공동-참고)환경부, 코로나-19 폐기물 안전관리 특별대책 제3판 시행.
http://me.go.kr/home/web/board/read.do?pagerOffset=0&maxPageItems=10&maxIndexPages=10&searchKey=&searchValue=
&menuId=286&orgCd=&boardId=1338400&boardMasterId=1&boardCategoryId=&decorator=
6. Ministry of the Interior and Safety. (2020). 재난문자.
https://www.safekorea.go.kr/idsiSFK/neo/sfk/cs/sfc/dis/disasterMsgList.jsp?menuSeq=679
7. Seoul Metropolitan Government COVID-19 Info Website. (2020).
https://www.seoul.go.kr/seoulcom/fileDownload.do?fileName=corona/daily-news-review_200824_126.pdf
Танилцуулга мэдээ бэлтгэсэн:
ШУА-ийн Олон улсын харилцааны хүрээлэнгийн Бүс нутаг, олон улсын байгууллага
судлалын салбарын эрдэм шинжилгээний ажилтан, доктор (PhD) И.Энхболд
Ковид-19: халдвар хамгааллын олон улсын туршлага (БНХАУ-ын жишээгээр)
Ковид-19: халдвар хамгааллын олон улсын туршлага (АНУ-ын жишээгээр)
Ковид-19: халдвар хамгааллын олон улсын туршлага (ОХУ-ын жишээгээр)
Ковид-19: халдвар хамгааллын олон улсын туршлага (БНТУ-ын жишээгээр)
Ковид-19: халдвар хамгааллын олон улсын туршлага (БНСВУ-ын жишээгээр)
Ковид-19: халдвар хамгааллын олон улсын туршлага (ХБНГУ-ын жишээгээр)
Ковид-19: халдвар хамгааллын олон улсын туршлага (Япон улсын жишээгээр)
