Монгол-Солонгосын эрдэмтдийн хамтарсан эрдэм шинжилгээний хурал болов

• 

  Нийтлэсэн Б Нямдаваа
• 2021-05-31
• 1024

  Монгол Улс, БНСУ-ын хооронд дипломат харилцаа тогтоосны 30 жилийн ойн хүрээнд БНСУ-ын Зүүн хойд Азийн түүхийн сан, Монгол-Солонгосын түүхч архелогичдийн холбооноос хамтран 2021 оны 5 дугаар сарын 27-ны өдөр “Монгол-Солонгос дипломат харилцаа тогтоосноос хойших хоёр улсын харилцаа, тулгамдсан асуудал” сэдвээр эрдэм шинжилгээний цахим хурал амжилттай зохион байгуулав. 
    Эрдэм шинжилгээний хуралд Монгол Улс, БНСУ-ын эрдэмтэд хоёр улсын харилцааны түүх, улс төр, эдийн засаг, боловсрол, иргэд хоорондын хамтын ажиллагааг дүгнэн цаашдын хөгжлийн чиг хандлагын тулгамдсан асуудлыг хөндсөн нийт 8 илтгэлийг хэлэлцсэн бөгөөд хурлын төгсгөлд илтгэгч, оролцогчдын дунд нээлттэй хэлэлцүүлэгийг зохион байгууллаа.
    Тус эрдэм шинжилгээний хуралд ШУА-ийн Олон улсын харилцааны хүрээлэнгийн эрдэм шинжилгээний ажилтан, доктор (PhD) И.Энхболд "Монгол Улс, БНСУ-ын хоорондох эдийн засгийн харилцаа: Дорнод аймаг стратегийн бүс болох боломж” сэдвээр, эрдэм шинжилгээний ажилтан, магистр Д.Мягмар “БНСУ дахь Монгол иргэдийн өнөөгийн байдал, тулгамдаж буй асуудлууд” сэдвээр тус тус илтгэл хэлэлцүүлсний зэрэгцээ уг хурлын зохион байгуулалтыг хариуцан ажилласан байна.
    Монгол Улсын талаас энэхүү эрдэм шинжилгээний хуралд ШУА-ийн Олон улсын харилцааны хүрээлэн, Түүхийн хүрээлэн, Археологийн хүрээлэн, Хүмүүнлэгийн ухааны их сургууль, МУИС, Улаанбаатар их сургууль зэрэг шинжлэх ухаан, боловсролын байгууллагын төлөөлөл оролцлоо.

---

Бусад мэдээлэл