.jpg?w=1200)
Монголын Олон улс судлалын Алтан аргамж холбоо ТББ-аас 2021 оны 3 дугаар сарын 17-ны өдөр “Х-ТАСTIC” академик хэлэлцүүлгийг “БНХАУ-АНУ-ЫН ХАРИЛЦАА КОВИД-19 СОРИЛТ” сэдвийн хүрээнд МУИС-ийн Номын санд амжилттай зохион байгуулав. Энэ удаагийн хэлэлцүүлэгт тус хүрээлэнгийн Хятад судлалын салбарын ЭША, докторант Б.Анхбаяр “Covid-19-ийн дараах БНХАУ-АНУ-ын харилцаа”, Гуравдагч хөрш орон судлалын салбарын ЭША, докторант Л.Бямбаханд “АНУ-БНХАУ-ын стратегийн өрсөлдөөн” сэдвээр тус тус илтгэл бэлтгэн хэлэлцүүлсэн байна. Академик хэлэлцүүлэгт ТББ-ын Удирдах зөвлөлийн гишүүд болон олон улсын харилцаа, гадаад бодлогын чиглэлээр сонирхон судалдаг эрдэмтэн судлаачдын төлөөлөл оролцжээ. Энэхүү хэлэлцүүлгийг гадаад бодлого, олон улс судлалын тулгамдсан сэдвээр цаашид аль болох олон нийтэд нээлттэй хэлбэрээр тогтмол зохион байгуулах юм. 
